Los Gringos Fantasticos
Rambazamba
Loset das Liedli wo mir hei mit Gitarre
Es isch vo üs es Liedli für euch mir singe so-o-o
Du weisch mir sy chli blöd u fahre aune a Charre
Ja klar me cha sech fragen ab üs das gseh mir scho-o-o
Ja mängisch schwümme mir obenuf u mir si, dr Sächser im Lotto
U mau da hei mer ds Mässer am Haus, mir stecke aube o mau ziemlich im Sch…
I Wahrheit isch es nid geng eso wie uf däm, wie ufem Foto
Mir trogle u mir stogle derhär, u irgendwie und uf ne Art geit’s ja scho
Mir ritte no immer, mir ritte u ritte u chöme dervo
Es wird immer schlimmer, besser wird’s nümm u drum lö mer’s la
Stah eso wie das isch, u fö no mau vo vore a
O i dr zwöite Strophe het’s e Gitarre
Söttigi Rieme macht süsch niemer aber mir äbe scho-o-o
I gloub mir sy doch da scho einisch mau düregfahre
Ja irgendwie kenn i das vo irgendwo-o-o
Ja mängisch geit es mir eso schlächt de los i, i lose Toto
U mau da flüg i höch obenuus u d’Sunne schiint mer permanänt us em A…
I Wahrheit git’s für üs kes Rezäpt wie für nes, für nes Risotto
Mir houpere u stoupere so, u irgendwie und uf ne Art geit’s ja scho
Mir ritte no immer, mir hocke im Sattu u gheie nid drab
Schlimmer u schlimmer, das Rössli das treit üs emau no iz Grab
Mir ritte no immer, mir ritte u ritte u chöme nid a
Aber wie o immer, angers geit’s nid u drum lö mer’s la
Ga eso wie das isch, u ritte los i Untergang
Nümme da
We du mi nümme meh wosch gärn ha
We du mi nümme wosch bi dir
De wart i nid lang u bi gschobe
U nime dä läng, läng Wäg unger mini Füess
Du hesch e Zunge wiene Schlange
Du hesch e Gring so wiene Stier
U dini Ouge sy zwöi Mörder
U dis Härz, u dis Härz isch wiene Stei
U we dä Tag isch vergange, bin i nümme da
Bis zu däm Tag wo dr Wind dräit, i bi nümme da
Drum git’s für mi hie kes Haute
Drum het mi hie nümme fescht
Drum mach i mi über aui Bärge
Und i luege, und i luege nieme zrügg
U we dä Tag isch vergange, bin i nümme da
Bis zu däm Tag wo dr Wind dräit, i bi nümme da
Sie het mir gseit, i syg e Gränni
Sie het mir gseit i syg für nüt
Und mini Liebe wott sie nümme
Und mis Gäud, ja mis Gäud het sie scho gno
Ja we dä Tag isch vergange, bin i nümme da
Bis zu däm Tag wo dr Wind dräit, i bi nümme da
Und o dä Tag isch gli vergange, de muess i mau ga
Es isch dr Tag wo dr Wind dräit, i bi nümme da
So Guet
Du verzeusch u du erklärsch u du versteisch aus aber i vilech nid
Du debattiersch u definiersch u präzisiersch u wisisch uf d’Unterschied
Tuesch diskutiere konjugiere buechstabiere steuewiis chli konfus
Und du redsch und i lose und i lose aber chume nid druus
Du bisch so schön, so guet, so huere guet
Du unterrichtisch und du prichtisch steusch aus richtig u s’isch wichtig, so sehr
Du weisch aus ganz genau redisch wi ne Wasserfau diräkt ids Meer
Du bisch so informiert, ufdatiert und schön frisiert uf em Chopf
Bi nume mässig intressiert, absorbiert hesch du ke Pouse-Chnopf?
Du bisch so schön, so guet, so huere guet
Du plagiersch u verziersch, lamentiersch explodiersch
Wunderbar stellsch du dar, es isch wahr offebar
Beidruckt interessiert, i cha’s nid fasse was passiert
Es isch guet, s’isch der Hit, das es das hüt no git
Es isch wiud, es isch verreckt, du bisch rundume perfekt
Schlicht und eifach genial, aber mir isch das eigentlech…
Du bisch so schön, so guet, so huere guet
Mis Velo
I fahre mit em Velo hei
Velo hei, Velo hei
I fahre mit em Velo hei
Das tönt öppe so
Mis Velo het es Achti im Rad
Isch nümme grad, das isch chli schad
Mis Velo het es Achti im Rad
Das tuet öppe so
Mis Velo das het o kes Lüti
Und di Lüt die ghöre nüt
Mis Velo das het o kes Lüti
Das tönt nümme so
Mis Velo het ke Sattu meh
Tuet chli weh, meh und meh
Mis Velo het ke Sattu meh
Oh herrjemine s’drückt mir chli i …
Mis Velo het ke Länkerstange
Isch nümme dranne, blibe hange
Mis Velo het ke Länkerstange
Das geit öppe so
Mis Velo fahrt i Pfoschte dri
Und o i, hinge dri
Mis Velo fahrt i Pfoschte dri
Das tönt öppe so
Mis Velo het es Loch im Pneu
Und mir stöh am Zytgloggöh
Mis Velo het es Loch im Pneu
Das tönt öppe so
Schlaf Chindli schlaf
Dr Nachbar git‘s zum Znacht
Dr Vättu het ne gmacht
Im Ofe tuet är gare
Üs sis Innere offebare
Us der Chuchi tuet’s fein schmöcke
U d‘Ching tüe scho am Tisch höckle
Usem Bain-Marie use ou
Dert si no d Räschte vo syre Frou
Und i sonere verzwickte Lag
Stellt sech mir geng die glychi Frag
Sie isch evidänt und o chly dumm: Warum?
Früecher mit viu Getöse
Mit sym Benziner Loubgeblöse
Rasemäiher und Heckeschäri
Los wi schön tönt itz die Lääri
Schlaf itz, Chindli lue
Bim Nachbar isch itze Rueh
U nid nur das, är het üs gmundet
Und üses Festmahl abgrundet
Doch o bis zum hütige Tag
Stellt sech immer no die glychi Frag
Sie isch fadegrad, kes bitzli chrumm: Warum?
Warum sy mir so animalisch?
Warum das Lied so kannibalisch?
Warum chunnt geng eine drunger?
Und warum hei mir geng so Hunger?
E Guete mitenand!
El Condor Pasa (Titicaca Remix)
I bi der Gäub vom Ei, i bi der Pünktli vom i
I bi der Chärn vo dim Pudu, i bi ds Samehübli
I bi dr Gründer vom Rad i bi der Häu äne vom Tunnäu
Der Text isch scho lang verbi wüu i räppe so schnäu
I bi so häu, i blände mini Mueter im Dunkle
Wenn id Stärne bös aluege höre sie uf funkle
Sepp Blatter haut der Bach flau
Us dim Geschnatter wird ke Sau schlau
Wüu geng wen i chume bin i ja när am angeren ort nümme ume
Wüu i ja chume, versteisch da chunnt niemer drum ume ume
Nei nid emau i, wo Rom i eim Schlag erbout het
Mi het mau dr Blitz troffe, i weis nid ob är sech scho erhout het
We du mi fragsch wär i bi, das frag i säuber mi
I kenne nüt kennsch du mi, oder nid?
Ja üsi Wäut isch so chly, sie geit vo da bis hie
I mues gäng ungerwägs sy, gopfertami
I kämpfe jede Tag gäge musikalische Mischt
gäge Strom a wie ne Fisch mit der Gischt im Gsicht
i dichte mini Gschichte nid, i brichte vo däm won i sichte
das tuen i verdichte, u derbi dr rästlech gmischt Bocksmist vernichte
dr wichtig Wicht mit sim Trichtergsicht berichtige
Shit i chume so steil ine, überroue di mit em Textlawine
Isse Sandstei und putze mini Zähn mit Isebahnschiene
I tue wi dr Jesus dir erschine, dini Mine isch verschreckt
I ha dr Mond vori ids Bett ta ud Sunne ufgweckt
Dr Jehova isch Züge vo mir
Wäge mir git’s die 10 Verbot
I trage d Aare ids Wasser u bringe ds Meer i Seenot
I schla dr Hammer mit em Nagu i, dr Himu verspricht sech vo mir z blaue
I ha das aues erfunde, u dir tüet aus nume vo de schlaue chlaue
I sueche keni Wörter
Sie stöh a bi mir im Schlange
I gibe ne Bedütig
Vorhär han i se o nid verstande
We du mi fragsch wär i bi, das frag i säuber mi
I kenne nüt kennsch du mi, oder nid?
Ja üsi Wäut isch so chly, sie geit vo da bis hie
I mues gäng ungerwägs sy, gopfertami
Oh Robert
Oh Robert, dein ‚erz es ist so schwer
Ein Schatten ‚ängt über disch
Dein Wolken sind so grau, es regnet auf dein Kopf
Du fühlst dich miserable, wie ein Deckel ohne Topf
Oh Robert, sie wird niemals wiederkehren
C’est fini, adieu, Endeschluss
Du bist allein, wirst du nie mehr wieder gehn
Zu zweit mit ihr am Üfer de la Seine
Oh Robert, jetzt ‚ast du niemand mehr
Niemand wartet auf disch
Das Telefon bleibt still, der Frigidaire ist leer
Lang ist es ‚er, oh Robert
Oh Robert, verzage nicht, mon cher
Ein neuer Tag brischt an
Der Sonne kommt am ‘Orizon, die Vögel singen wieder
Oh Robert, oh mon cher nimm es nischt so schwer
Oh Robert, wirf der Flinte nischt im Korn
Oh Robert, dein Herz blütet vom Amour
Es wartet ein neuer Tag auf disch,
der Sonne geht wieder auf
Du Robert bist mein Couvert – Paris
Oh Robert, es ist nischt der letzte Mal
Oh Robert, lies nischt nur die Fleur du Mal
Du ‘ast dein Leben vor dir kommt
Dein ‘Erz wird wieder e-Robert
ça était hier, mon petit chèr, c’est clair
I Cha Nid Tanze
Mi Finger isch mir abgheit
E Zäihe nächär o
D‘Nase isch mer furtcho
I frage mi wo, i frag mi wo
Wo isch das aues härecho
Syt geschter fähle d’Ohre
U itze o nes Oug
D‘Haar si mir au usgheit
U d‘Nägu äbe o
I frag mi wo
Wo isch das aues härecho?
I cha nid tanze, so chani nid tanze
Es het ke Hang u Fuess und es gheit mer abe…
I cha nid dräie, so cha mi nid dräie
I bi mer säuber im Wäg und flüge vonenang
Mi Name dä isch niemer
Niemer git’s scho lang
Niemer isch für immer
U niemer vo Belang
S’isch auerhand
Niemer het aues binenand
Kenä dä het aues
Niemer dä het nüt
Niemer isch vor auem
Um d’Logik no bemüeht
I frag mi wo
Wo isch das aues härecho
I cha nid tanze, so chani nid wie tanze
Es het ke Hand u Fuess u es gheit mir abe
I cha nid schaffe, so chan i nid schaffe
Für das han i ke Chopf u bi chly dürenang
Cha mi nid konzentriere, so cha mi nid konzentriere
Es geit für mi nid uf wüu mi Chopf dä steckt im Sand
I cha nid tanze, weiss nid wie tanze
Irgendwo zwüsche Stuehl u Bank und es liegt ja uf der…
I bi ne Bündtu, so ne huere Bündtu
I ha ke Hand u Fuess und es fäuht mer o ne Wand
Brasiu
Los emau, du weisch genau
I bi so ne Giu, e chly fraschiu
Im Zämespiu, ja dert glingt mir so nid viu
Bi sozau e Speziaufau
Bi diffiziu, e chly labiu
Nid so stabiu, i ha ke Ziu
U du weisch, aus wo d’ seisch das nützt nid viu
S’isch mi Stiu, diffiziu
Drum los itz mau, itz los genau
I bin e Giu, chli diffiziu
We du meinsch i sigi chli debiu
I bi gnue schlau i jedem Fau
Und du seisch und überleisch
Wüu no nid weisch ob du scho geisch
U mir hei, nid immer aues wo mir wei
S’isch im Fleisch we’d versteisch
Los emau, du weisch genau
I bi so ne Giu, e chly fraschiu
Im Zämespiu, ja dert glingt mir so nid viu
Bi sozau e Speziaufau
Aus, im freie Fau
S’isch egau, scheissegau
Aus, chasch mir mau
Nid normau, allemau
Lucky Luke
Vo mim stoubig Stimmband
Klingts über d’ Prärie
Düre heisse Sand
Am Wüeschterand verby
U i wär o gärn dr Lucky Luke
Wär gärn Revolverheld gsy
Aber itz singi Bass bi dr Zöbu Band
Vilech isch es das scho gsy
Hü hü, hü Rössli hü
Mini Reis wird sy für immer
Dr Wind singt dür d‘Prärie
Geier kreise am Himmu
Mis Gwehr, mis Pony u i
U i wär o so gärn e Cowboy
I wär scho geng gärn e Cowboy gsy
Vilech im ne andere Läbe
Vilech lö mir‘s dismau gschyder la sy
Hü hü, hü Rössli hü
Mis Velo (Ahänger)
Mis Velo het es Zahleschloss
Es isch gross, i bringe’s nümm los
Mis Velo het es Zahleschloss
Und das schliesst eso
Mis Velo het e Röiber gno
Aber so, isch nid wyt cho
Mis Velo het e Röiber gno
Isch dermit dervo
Mis Velo het e Schleudersitz
S’isch ke Witz, geit wi dr Blitz
Mis Velo het e Schleudersitz
Dr Röiber spickt’s dervo
Mis Velo het ke Windschutzschibe
Muesch dusse blibe d’Ouge ribe
Mis Velo het ke Windschutzschibe
Uh das luftet so
Mis Velo het kes Nummero
Buess becho, zwöimau scho
Mis Velo het kes Nummero
Doch es fahrt o so
Doch dr Tschugger seit so fahrsch nümm hei
Polizei, är seit nei
Dr Tschugger seit so fahrsch nümm hei
Das geit nid eso
Mis Velo han i ir Stadt vergässe
Nach em Ässe nümm druf gsässe
Mis Velo han i ir Stadt vergässe
Und i frag mi wo
Drum tragen i mis Velo hei
Chrummi Bei, ganz älei
So tragen i mis Velo hei
Isch das dr Sinn dervo
Latärne
I ga mit mire Latärne u si mit mir
Am Himu lüüchte d Stärne u unde i
Es Liechtli i mir Rüebe lüchtet häu
D‘Wulche zieh u Zyt vergeit so schnäu
Lueg mis Räbeliechtli ha’s säuber gmacht
Und itze lüüchtet‘s häu ir dunkle Nacht
Dr Güggu chräit u biisst der Chatz i Schwanz
D‘Liechtli dräie schnäuer im Ringeltanz
Liechtli mi Liechtli mi
Ohni mi gäb’s di nid
Flämmli i mi Rüebe dri
Ohni di gsehn i’s nid
112 Flamingos flüge verby
Sunne, Mond und Stärne rund um mi
Rabimmel und Rabammel und Rabumm
Zäme mit mir Latärne gan i um
Liechtli mi Liechtli mi
Ohni mi gäb’s di nid
Flämmli i mi Rüebe dri
Ohni di gsehn i’s nid